Dimapur, 06 April: Nagaland toh desh te sobse besi unemployment rate thaka hosha te jani kena, ekta young Naga unemployed youth, Miss Torie Merry para ekta gara fesla loise Government te depend nathakibole hoilebe nejor laga private business koribole. Tai para “Wisteria” laga naam te ekta café khulishe. Tai toh B sc ( Hons) aro B.ed kothom howa maike ase.
District Public Relations officer Dimapur, Lolano Patton para formally inaugural cenemony te special gest hisab te Wednesday 6th April 2022 te grace korise. Nagaland te besi phak unemployment dekthari opor te koi kena Patton para unemployment issue toh saturation point/sobse besi te ponjishe koise aro January 2022 record hisab te 92,302 registered unemployed youth ase koise. Tai para figure toh othi ase koise aro besi educated Naga youth toh private business te nahoi kena government jobs nemite prefer kori koise. Etu opor te, tai para Torie Merry ke congratulate kroise kelay koile nejor para khara hobole wise fesla lowa nemite aro tai laga café para society te workers olai kena motob kora nemite be congratulate korise.
DPRO para be Torie laga family members ke kushi janaishe tai laga fesla opor te kushi napowa putli encourage aro approve kora nemite.
Wisteria café toh ADC court Dimapur te ase aro etu para clean hygienic food aro variety of beverages/drinks de.
Associate Pastor, Dimapur Lotha Baptist church para dedicatory prathana korise. Proprietor laga family member, friends aro well wishers khan inaugural ceremony te thakise.
Add Comment