Assam Lilabari te 1st pilot training academy inaugurated

NORTH LAKHIMPUR: Tuesday din Union civil aviation minister Jyotiraditya Scindia para Lilabari airport Assam te Northeast’s first pilot training academy inaugurated korishe. Union minister para airport te pilot training facility inaugurated kora samai Assam chief minister Himanta Biswa Sarma aro union minister for law & justice Kiren Rijiju be samil thakishe. Etu occasion te kotha kora samai, civil aviation minister Jyotiraditya Scindia para koishe ke, Northeast region te connectivity boost korikena UDAN scheme pithor te manuh khan perabo. Tai para Assam chief minister logot state te air services othabo nemite state VAT on aviation fuel komti koriboli koishe.  Union law and justice minister Kiren Rijiju para koishe, Assam aro Arunachal Pradesh te civil aviation laga notun chapter ola toh Lilabari airport te pilot training academy inaugurate nemite aro etu toh Arunachal Pradesh state osor te ase koishe. Etu samai Assam chief minister Himanta Biswa Sarma para koishe ke, Lilabari te pilot academy toh Lakhimpur nemite bhal khobor ase aro etu oper te Lakhimpur Medical College Hospital be inaugurate hoishe. Sarma para aro janaishe ke, Assam government for Lilabari pilot training academy para society pithor economically weaker section te pilots nemite scholarships be junaishe. Lilabari airport te pilot training academy para Commercial Pilot License (CPL) training offer koribo aro etu toh April samai soruh koriboli koishe. March 22 darik te tuita(2) trainee aircraft—Tecnam P2008JC (single-engine) aro Tecnam P2006T (multi-engine) toh Lilabari te pongchikena ase. Red Bird Flight Training Academy para Lilabari te pilot training course thibo aro etu toh low emissions te 5 miles air distance thakibo. Academy toh ministry of civil aviation pithor te operate koribo. Red Bird Flight Training Academy laga hesab te hotai saal 150 para 200 trainee pilots olaboli koribo. Academy para Lilabari te single-engine aro multi-engine te 200 hours flying koribo.