Tripura te Bangladeshi 2 jun thurishe

GUWAHATI: Tuita(2) Bangladeshi maiki manuh aro Indian ek jun ke Indian territory te illegally aha nemite Tripura police para thurishe, koikena khobor para junaishe. Etu tui(2) jun maiki laga nam toh Shazeeda Khatun (25) umer  aro Kajali Akhter (24) umer ase koikena jenishe. Khobor hesab te koishe ke, etu manuh khan Indian territory Tripura te aha toh kam nemite ahishe aro 4 din neshina hoishe. Preliminary investigation hesab te, ek jun maiki Nargis Akhter 27-umer ke Bagma, Gomati district te mutual contact hesab te lok korishe. Shazeeda aro Kajali ke toh Dharmanagar railway station, North Tripura district te tuita(2) bags logot thurishe. Officials laga khobor hesab te Nargis para Indian citizenship documents toh checking samai submit korishe. Sections 370 Indian Penal Code (IPC) aro section 3 Passport Act, pithor te etu tui(2) jun ke trafficking charged te thurishe. Khobor hesab te etu thura maiki khan logot eku criminal records nai aro tai khan ke local court te loikena jabo koishe.