Mizoram te AR para  Arms aro Grenades paishe

GUWAHATI: Mizoram’s Champhai district osor Indo-Myanmar border te Assam Rifles troopers para rifles, grenades aro warlike supplies thurishe, koikena khobor para janaishe. Army para etu operation toh district osor Tyao Kawn bosti te khobor powa nemite. Khobor hesab te, team logot Tyao Kawn bosti te warlike stores beka aro manuh samil kora khobor paikena thakishe. “Assam Rifles squad logot warlike supplies transport kora suspected thaka nemite joldi te suspects ke thuriboli kam korishe. Hoilebi, etu samai manuh khan toh Assam Rifles squad thikena Myanmar te pulai jaishe. Etu samai suspected manuh khan para toh bag te warlike supplies toh jaga te jarikena jaishe. Warlike stores jola para toh innocent manuh ke danger korikena state te kam beya besi olai thaki. Etu saman thura nemite manuh besi jun laga jaan pajishe,” koikena ANI para janaishe. Tuita(2) 9 mm pistols, ekta 0.32 revolver, 7 homemade hand grenades, 15 rounds of 0.32 revolver ammo, tuita(2) Tac Phone/RS walkie-talkies aro ekta Tac Vest aro ekta power bank othaishe. Itya etu hatsa nemite investigation loi-thakishe, koikena khobor para aro janaishe.