India daily Covid 90% othishe, 2,183 cases aro 214 morishe

New Delhi: India te 2,183 notun Covid bemar thurishe, etu toh Sunday din para 1,150 besi thakishe, koikena Sunday din Union Ministry of Health & Family Welfare laga khobor hesab te junaishe. India te active cases toh 11,558 othishe aro total cases te 0.03 per cent hoishe. Etu samai hotai din case laga positivity rate toh 0.31 per cent te thakishe aro Saturday (0.32 PC) para olop komti thakishe. Hoilebi, hafta pura laga positivity rate toh itya 0.27 per cent te ase koishe. 24 gonda pithor te 954 COVID bemar manuh bhal hoishe aro itya 4,25,08,788 bemar manuh bhal hoikena ase. Bemar bhal howa rate toh itya 98.76 per cent te ase. Jowa 24 gonda pithor te aro bemar para 4 jun manuh mora khobor paishe, etu melaikena manuh mora toh 5,21,751 te ase. India te 24 gonda pithor 3,65,118 COVID samples tested loishe aro itya dak te 83.18 crore tests loikena ase. India te virus bemari otha toh 2020 saal August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu jai thakina September 28 darik te 60 lakh hoishe, October 11 te 70 lakh, October 29 darik te 80 lakh, November 20 darik te 90 lakh hoishe aro December 19 darik te one-crore pongchise. India te 2 crore toh May 4 darik te pongchise aro June 23 darik te 3 crore hoishe.