Delhi te fuel nemite Auto, taxi, mini bus drivers strike thakishe

New Delhi: Delhi te pera manuh besi dukh hoboli ase, keli koile alag-alag auto, taxi aro minibus drivers unions para Moday din te strike jaboli fesla korishe. Unions para fare rates othiboli aro CNG prices komti koriboli demand korishe. Unions para koishe ke, ek din strike thakibo aro Sarvodaya Driver Association Delhi toh cab drive members ase, tai khan para Monday din te “indefinite” strike junaishe. Delhi government para committee ekta bonaikena fare revision janai thiboli kowa toh unions para strike rokiboli mana nai. “Monday din indefinite strike jaboli fesla loishe, government para fuels aro fares price nemite action nakora nemite”, koikena Sarvodaya Driver Association Delhi President, Kamaljeet Gill para janaishe. Delhi Auto Rickshaw Sangh laga General secretary, Rajendra Soni para koishe ke, “ajanak te auto aro cab drivers oper te CNG rates othaishe. “ami khan jani ase ke, Delhi government para committee konuba bonaishe hoilebi ami khan laga kam te hesab nai. Ami khan para government (Centre and Delhi) logot demand kora toh CNG prices te Rs 35 per kg subsidy deboli laki”, tai koishe. Olop din akhe Delhi Secretariat te hazar auto, taxi aro cab drivers para CNG prices te subsidy demand korishe. Itya dak te 90,000 autos neshiana ase aro etu oper te 80,000 registered taxis toh city te public transport system ase. STA Operators Ekta Manch laga General secretary, Shyamlal Gola para koishe ke, RTV buses toh 10,000 neshina ase, etu para be CNG prices aro revise fares nemite support koribo koishe.