Assam Congress leader ULFA-I join

GUWAHATI: Assam te Congress party leader ek jun para Paresh Baruah-led banned insurgent outfit ULFA-I joined korishe. Assam Congress leader kaun para ULFA-I joined korishe, tai toh Janardan Gogoi ase koikena janishe. Janardan Gogoi toh Sadiya Tinsukia, Assam laga Congress leader ase aro tai toh Tinsukia district youth Congress unit laga vice president ase. Etu khobor toh Janardan Gogoi para tai nejor Facebook post te junaishe. Gogoi toh tai laga ghor Sadiya jarikena ULFA-I camp, Myanmar jungle te join korishe. Tai laga maiki ke letter te aro Facebook posted te Janardan Gogoi  para ULFA-I joined kora reason toh janaishe. “konuba manuh para Assamese society toh kotom koriboli kam kori ase. Ami janikena ase ke, konuba political parties aro regional organizations para Assamese society laga nam loikena business kori ase,” koikena Gogoi para letter te janaishe. Tai aro koishe ke, “aji, Assamese manuh khan toh nejor  motherland te kushi nathaka hoishe. Assamese society hataboli kam kora te ami saboli napareh”. “manuh khan para democratic hesab te kelaaf kora toh etu government para nahona hoishe. Assamese society pajabo nemite armed rebellion laga dosura rasta nathaka hoishe,” koikena Janardan Gogoi para aro janaishe.