KHADC para ‘Border Council Meeting’ loishe

April 20, 2022: Khasi Hills Autonomous District Council (KHADC) para ‘Border Council Meeting’ thakishe aro etu samai olop din akhe Assam aro Meghalaya administration majot te inter-state border jamila nemite Memorandum of Understanding (MoU) signed kora te kotha korishe. Boundary meeting toh Deputy Chief Executive Member (CEM) – Gigur Myrthong, former CEM & Congress MDC – PN Syiem aro dosura manuh besi jun samil thakishe. Mediapersons logot kotha kora te, Executive Member-in-charge of Elaka administration – Jambor War para janaishe ke, “MoU signed kora samai stakeholders neshina landowners, dorbar shnong, dorbar raid, Dorbar hima aro District Council, constitutional authority, kaun be nathakina signed kora ase”. “ami khan para etu meeting toh April 26 darik te postpone hoboli fesla loishe, keli koile etu din tangor kotha besi koriboli ase,” tai aro koishe. Jambor para aro janaishe ke, KHADC toh state government aro organization logot larai koriboli mon nai, hoilebi ami khan toh facts, numbers, documents, maps aro historical truths te kara koribo. Tai para aro koishe ke, state administration para MoU  signed kora te kalti besi ase. “ami khan etu moina 26 darik te state administration logot kotha koriboli ase”. Assam Chief Minister – Himanta Biswa Sarma aro tai laga  counterpart Meghalaya CM Conrad Sangma para memorandum of understanding (MoU) toh tuita(2) states pithor te border jamila nemite signed korishe. Etu MoU toh 50-saal boundary jamila thaka fesla koribo nemite ase. First phase samai, 12 jamila pithor te 6 jaga- Tarabari, Gizang, Fahala, Baklapara, Khanapara (Pilingkata) aro Ratacherra nemite kotha korishe aro etu jaga toh Cachar, Kamrup aro Kamrup Metropolitan districts of Assam & West Khasi Hills, Ri-Bhoi aro East Jaintia Hills, Meghalaya pithor te samil ase. Agreement signed kora hesab te Assam para 18.51 square kilometres land toh rakibo aro Meghalaya  logot 18.28 square kilometres land thiboli fesla loishe.