Pakistan laga notun Cabinet para waada loise

Agencies, 19 April: Pakistan laga notun juna prime Minister, Shahbaz Sharif laga Cabinet para Tuesday te ekta brief ceremony samai te waada lowa thakise. Acting President Sadiq Sanjrani para Presidency, capital, Islamabad jaga te 34 ministers logote waada lowa thakise. Sharif be ceremony te attend howa thakise. Tai ke April 11 te juna thakise aro former prime minister Imran Khan ke hatai deya thakise. Sharif laga former political rivals be tai coalition government laga part ase. Ministers laga portfolios toh bechae te janai debole bhabona ase. Cabinet te mela prominent lawmakers majote Khawaja Mohammad Asif, ekta former defense minister aro Pakistan Muslim League party laga ekta member meli kena thakise. Former President Asif Al Zardari laga party para besi politicians be Cabinet laga part ase aro etu te Khursheed Shah aro Sherry Rehman be meli kena ase. Sharif para Khan ke toh National Assembly, Pakistan’s lower house of parliament te vote of no-confidence para hatai deya thakise.