BTR Chief’s escort gari te 1 jun morishe

GUWAHATI: BTR Chief Pramod Boro laga convoy toh jowa kali accident hoikena 1 jun police personnel morishe aro dosura tin(3) jun jokom hoishe. Khobor hesab te, convoy toh Rangia para Tamulpur jai-thaka samai Rangia 11th Mile te accident hoishe. Hoilebi etu samai Pramod Boro aro tai laga maiki logot eku jokom powa nai. Tai laga escort gari toh control lost hoikena nalla te jaishe. Etu gari te bohi thaka 1 jun personnel Raju Kalita, nam koikena morishe. Jokom howa dosura tin(3) jun toh Brojen Rajbongshi, Utpal Patgiri aro Prakash Boro toh besi tangor jokom paishe koishe. Etu hatsa howa beche, jokom howa manuh khan ke medical facility te elaj nemite loikena jaishe aro tai khan laga halat toh besi serious ase koishe. Etu accident samai civilian kaun be jokom powa nai, koikena khobor para janaishe.