High Court para Bengal Govt ke 5 Rape Cases report submit koishe

KOLKATA: Calcutta High Court para West Bengal government logot olop din akhe 5 rape cases, gang rape aro state laga alag-alag jaga te rape koriboli kujus kora laga progress reports thikaboli janaishe. Court para government logot complainants aro tai khan laga families logot security thiboli koishe. Independent agency aro court-monitored probe para investigation kora samai, petitioners para PIL te janaishe ke, tribal maiki ek jun ke April 15 darik Shantiniketan, Birbhum district te gangraped korishe, aro dosura maiki ek jun ke be Namkhana, South 24 Parganas district te rape korishe koishe. PIL te aro janaishe ke, physically challenged maiki ek jun ke Pingla, Paschim Medinipur district te raped korishe aro dosura maiki ke Netra, South 24 Parganas te rape korishe. Petitioners para aro dosura hatsa janai deya te Maynaguri Jalpaiguri district te ek jun ke rape kora beche thamki kora nemite nemite maiki para toh suicide koriboli korishe. Division bench pithor te Chief Justice Prakash Shrivastava aro Justice R Bharadwaj para parties ke hearing kora beche 5 cases laga investigation report aro diaries toh April 22 darik hearing samai janai thiboli koishe. State government laga lawyer para etu 5 cases pithor te local police para Namkhana, Santiniketan aro Netra laga complaint hesab te action lowa toh submitted korishe. Lawyer para aro janaishe ke complainants logot police laga protection thikena ase koishe.