Kohima, 20 April: Thizama, Kohima te Village Guards Rest House toh Advisor, Information & Public Relations and Village Guards, S. Keoshu Yimkhiung para 20th April 2022 te inaugurate korise.
Yimkhiung para Rest House para VG personnel aro pubic khan State Capital te official kaam nemite lok kora samai ektum lakiya accommodation para laub hobole bhabona/hope howa koise.
Tai para Rest House toh Khali VG personnel nemite he nahoi hoilebe sob Nagas nemite ase koise. Department para funds toh kafi hobole nahowa nemite sob quarters para funds toh maintenance nemite laki koise.
Advisor of Village Guards hisab te charge loi kena olop moina hoise aro Keoshu para aji VG organization te besi gaps toh infrastructure aro development te thaka dekhise koise aro etu te seriously worked out hobo laki koise. Tai para be Village Guards nemite alak Directorate/HoD nemite suggest korise tai khan laga kaam aro functioning te thek system maintain koribole nemite.
Executive Engineer, CAWD, Er. Sungti Amer para VG Rest House nemite Technical Report present kora thakise.
Commissioner, Nagaland, Rovilatuo Mor, IAS para besi par samai Kohima te VG officials toh accommodation dekthari powa thaki koise hoilebe Thizama te VG Rest House bona logote tai VG personnel laga morale te mondangor aro boost hobole hope kora janaishe. Staff- caretakers, cooks nesana junibole nemite posts sanctioned nahowa para Rest House toh Commissioner’s Office para internal adjustment of funds para sabole koise. Tai para Rest House te lok kora VIPs khan maintenance te motob aro support koribole koise aro sob guests khan Rest House laga hygiene aro infrastructure maintain kora te cooperate koribole koise.
Inaugural programme te ADC (HQ), Commissioner’s Office, M. S. Thangpong para chaired thakise aro invocation prathana Pastor, Yimkhiung Baptist Church, Kohima, Wongtokiu par kora thakise. Programme te be MLA Yitachu, MLA C. L. John, MLA Eshak Konyak, VG Personnels, aro host of government officials thakise.
Add Comment