October 15, 2018: Bangladeshi politician Salahuddin Ahmed, kun shillong Meghalaya te ghussise kagooz khan thik thak nathakikena May 2015 tea aro thurikena thaka laga verdict rukhaidishe aji. Meghalaya Judicial magistrate (first class) pora tai khan laga faisla aro bi tin bar ola rukhaidishe November 9 tak .Tai laga case hearimnf toh tin bar ola rukhaidikena ase .Etu faisla toh August 13 te kuribole thaka ase hoilebi October 15 te bonaidishe aro aji etu arobi diri kuridikena November 9th te luijaishe .Aro bi khobor te janishe ki etu Ahmed laga case laga hearing diri huwa toh public prosecutor pora time manga nimete ase . BNP leader Khaleda Zia 2001-06, tak sorkar chula time te Ahmed, communications minister thakishe .Tai ke Golflink area, Shillong Meghalaya pora thurishe.Etu bi manu khan tai berai thaka dikhikena hosiyar janaidishe.Police khan pora tai laga khilaaf Foreigners Act bithor India desh te kagooz nathakikena ghussa nimete thura ased .Aro etu logote okobi kagozz khan thakanai Tai etu desh laga manu ase koikena .Ahmed laga khandan manu khan koishe kun ba manu khan plain clothes lagaikena tai khan laga identity cards khan dikhaikena Bangladesh Police Detective Branch laga tai ke uthaishe Dhaka te thaka ghor pora March 10, 2015 rati te .Aro khobor te janaishe ki Ahmed ke BNP spokesperson bonaishe tai haraikena ek haafta akhe te .
Meghalaya court pora porana Bangladesh minister Salahuddin Ahmed laga verdict rukhaidishe
Add Comment