Dimapur, 23 April: Hydrology Project Convention Centre (HPCC) cum Commissioning of Automatic Weather Station & Piezometer National Hydrology Project (NHP) under te bona laga inaugural function toh 23rd April 2022 te E.E Investigation Cell, 4th Mile, Dimapur te loise.
Chief Minister, Neiphiu Rio para special guest hisab te kotha korise. Tai para team ke sobse notun technology kamiyab hoi kena bona nemite congratulate kosie. Tai para etu technology ahha para paani laga management te phal hobo aro etu opor te farmers, industrial sector aro domestic jola te motob hobo koise. Etu technology logote data aro information toh manu khan ke ponjibo aro ami khan laga paani jola te phal practices adopt koribole motob hobo koise.
Tai para Mother Earth te hydrogen aro oxygen ase aro etu para living beings te jinda rakhi koise. Etu enemtie planer eart te due care lobo laki aro paani te phal/hosiyar para bachabole aro jolabole toh ekta laga duty ase koise. Tai para paani besi aro komti thakibole samai toh thaki koise besi phak monsoon aro sukha season samai te hoilebe etu technology ahha logote paani te bachabole paribo aro ami khan laga daily needs nemite kafi thakibo koise.
Rio para be judi ami khan paani resources te use aro abuse kori thakise koile paani kami para dekthari hoija hobo koise. Etu nemite tai departy te study, learn koribole aro farmers ke training debole aro tai khan ke key toh hoi ase etu opor te janibole koise kelay koile indigenouse mode of cultivation toh kaam hobole nahowa nemite. Tai para hope howa janaishe etu technology bona para farmers nemite rasta khulibole aro tai khan ke besi laub/benefit hobole.
Agae te, Chief Minister, Neiphiu Rio para HPCC laga inaugural plaque unveiled kora thakise. Welcome address project coordinator (NHP) WRD, Kevisa Kense, IAS para deya thakise. Vote of thanks toh Superintending Engineer cum Deputy Nodal Officer (NHP) WRD, Er. Chubasashi Chang para deya thakise.
Add Comment