West Bengal te notun 3 districts bonabo

KOLKATA: West Bengal government para administrative kam asani koribo nemite South 24 Parganas toh tinta(3) jaga Baruipur, Sundarbans aro Diamond Harbour te notun districts bonaboli ase, koikena Friday din top official para junaishe. Itya kam toh soruh hoishe aro joldi te South 24 Parganas- state laga sobse tangor district toh tinta(2) bakh koribo koishe. “etu saal pithor te tinta(3) notun districts Baruipur, Diamond Harbour aro Sundarban bonabo. Etu proposal howa logoti Chief Minister Mamata Banerjee para South 24 Parganas- itya Bay of Bengal osor te coastal villages toh nathakibo. Itya Diamond Harbour, Baruipur aro Sundarbans toh police districts ase. Etu bakh koriboli laga kotha te, bureaucrat para koishe ke, geographical jaga hesab te South 24 Parganas laga alag-alag jaga te manuh nemite administrative kam besi dukh ase. Baki kora hesab te notun districts te ekta sub-divisional court thakibo. Baruipur toh 2,500 sq km neshina ase aro etu te 11 blocks thakibo. “etu 11 blocks te tinta(3) districts pithor te Baruipur toh sobse tangor districts hobo koishe. Sundarbans te 8 blocks thakibo- Kakdwip sub-division te 4 blocks aro Diamond Harbour sub-division te be 4 blocks thakibo koishe. Jowa hafta state government para Centre logot state te IAS aro IPS officers laga allotment toh othaboli lekishe. Mamata Banerjee government para jowa 8 saal pithor te tinta(3) notun district Alipurduar (June 2014), Kalimpong (February 2017) aro Jhargram (April 2017) saal te bonaikena ase. Etu oper Bardhaman te be tuita(2) districts bonaishe. Itya dak West Bengal te 23 districts ase. Khobor para aro janaishe ke, March 1980 saal hesab te desh te 24 Parganas toh sobse tangor districts ase aro etu beche te North 24 Parganas aro South 24 Parganas bonaishe.