2024 te  Northeast capitals sob Delhi logot rail linked

AGARTALA: Friday din te Minister of State for Railways, Raosaheb Patil Danve para Agartala te junaishe ke, Northeast states laga capitals sob te 2024 saal dak te railway network toh national capital logot connected koribo. Danve para janaishe ke, 2014 saal te Narendra Modi toh Prime Minister howa beche, Centre para Northeast te railway network project tangor korikena jai ase. “northeastern states laga capitals sob te railway network toh national capital logot connect koribo aro etu kam toh itya bonai ase. Etu project kam toh 60 per cent neshina kotom hoishe aro baki 40 per cent toh 2024 saal dak te kotom hoboli ase,” koikena Danve para reporters logot khobor toh junaishe. Guwahati (adjoining Assam capital Dispur), Tripura capital Agartala, and Arunachal Pradesh’s Naharlagun (adjacent to state capital Itanagar) te toh Delhi logot rail connect hoikena ase. Danve para aro janaishe ke, etu saal December moina dak te, Agartala-Akhaura (Bangladesh) railway project toh Indian site te kotom hoboli ase. “ketai etu Agartala-Akhaura railway project toh kotom koribo, Northeast manuh Tripura te thaka khan toh Kolkata jaboli 22 gonda save koribo. Itya etu jaga te bohi thaka Tripura manuh aro osor jaga manuh khan toh Kolkata via Guwahati rail para jaboli parebo, etu oper te samai komti ase,” koikena minister para aro janaishe. Agartala-Akhaura railway line para tuita(2) countries logot saman bokiboli te tangor motob paikena India te northeastern states besi faita thakibo koishe.