TMC chief: Congress  aro AIUDF  logot samil nakoribo

April 29, 2022: Assam Trinamool Congress (TMC) chief Ripun Bora para junaishe ke, tai laga party toh Congress nahoile AIUDF logot alliance bonaboli eku kotha nai koishe. Assam Trinamool Congress (TMC) president, Ripun Bora para etu statement toh Wednesday din Guwahati te janaishe. “Assam te Trinamool Congress (TMC) toh Congress nahoile AIUDF logot alliance nathakibo,” koikena Ripun Bora para koishe. Khobor hesab te, Wednesday din Top Trinamool Congress leaders toh Guwahati te thakishe, etu samai alag-alag Assam Congress leaders khan Trinamool Congress te joined korishe. “Intellectuals, leaders aro alg-alag parties, common citizens para TMC logot melikena state nemite kam koriboli fesla loishe”, koikena Assam TMC president Ripun Bora para khobor janaishe. Top TMC leaders para Guwahati te joining programme samai samil kora toh- former Meghalaya chief minister Mukul Sangma, Rajya Sabha MP Sushmita Dev, Lok Sabha MP Mahua Moitra aro notun junai Assam TMC president Ripun Bora thakishe. Etu toh hoile Guwahati, Assam te TMC nemite first joining programme thakishe. Former Assam Congress president aro ex-Rajya Sabha MP Ripun Bora para grand-old party jarikena Kolkata te TMC kora beche tui(2) din beche etu joining programme thakishe. TMC joined kora beche, Ripun Bora ke Assam unit laga party president junaishe. Assam te Sushmita Dev beche, Ripun Bora para TMC joined kora toh second senior Congress leader ase koishe.