Mokokchung, 28 April: District Administration te Chairman, Investigating Team, Vitolu EAC (Judicial) para led Team Members be melikena- Inspector, Legal Metrology & Consumer Protection Department Mokokchung; OC PS-1 Mokokchung; OC PS-2 Mokokchung; Chairman (Sungkomen/Aongza/Mongsenbai/Yimyu Ward aro Village Council Ungma.
Team para Mokokchung Municipal Area pithor aro Ungma village te inspection drive toh sob fuel stations te lowa thakise. Team para fuel dispensing machine measurement standard te checked aro verified toh relevant section of Indian Petroleum Rule 1976 hisab te kora thakise aro quality samples be jama kora thakise aro etu toh agae laboratory testing nemite pothabole ase. Team para be station facilities te – clean drinking water, clean toilet facilities with running water, fire extinguisher, fuel dispensing machine seals aro free air nesana te shaa/check thakise. Team para Artang ward te ESSAR fuel station para ekta dispensing machine te seal kora thakise kelay koile tail laga standard measurement nadiya nemite.
Team para etu laga karan/reason te thek korise. Tai khan para machine dispensing system te leakage loss nemite howa paise aro station laga manager ke adesh desh machine te repaired aro functional nabona tak eku tail/fuel nadebole.
Add Comment