New Delhi, Mar 6, 2023: Army court Martial Jammu aro Kashmir para life imprisonment dibi koi kena recommend kurishe Captain ke. Tai toh tinta manu ke staged encounter kurishe remote hilly bosti, Amshipura Shopian district, south Kashmir July 2020 tae. Court martial verdict Captain Bhoopendra Singh laga against tae toh confirm hua nai “ higher competent authorities” para Udhampur- based Northern Command aro Army HQ, New Delhi tae.
Court martal judgement khan enika cases tae toh higher authorities khan para “usually approved” kure. Army para clear kurishe ki “fake encounters” aro violation of standard operation procedures, counter- insurgency operation toh tolerate nakuribo Jammu aro Kashmir, Northeast tae be, ekta Senior Officer para Sunday tae koishe. Court Martial Captain Singh laga against tae thaka toh March- April ja saal initiated kurishe.
Court of Inquiry (CoI), subsequent summary of Evidence (SoE) para bisarishe ki soldiers kun powers par kure Armed Forces Special Powers Act (AFSPA) laga bhitor tae etu incident hua time tae. Etu tinta slain manu laga khandan- Imtiaz Ahmed, Abram Ahmed aro Mohammed Ibrar para claim kurishe ki etu victims khan labour ase aro terrorist nahoi. Tai khan Shopian tae kaam karne jaishe aro tate tai khan ke faje encounter tae murai dishe, July 18, 2020 tae, tai khan para koishe.
Army para Col ke order dishe etu matter tae probe kuribole. Etu tinta manu laga body mati para ulaishe aro pichete tai khan laga ancestral graveyard, Rajouni tae rakhishe DNA test kuri kena. Jammu aro Kashmir laga police be etu incident tae special investigation team ke dhalishe probe kuribole. Court martial proceedings toh Captain Singh karne initiate kurishe kile mane tai toh tai laga powers violate kurishe AFSPA laga bhitor tae. Aro “Do’s, Don’t’s” Army khan laga follow nakure karne.
Police chargesheet Captain Singh laga against tae koishe ki tai toh wrong information dishe tai laga Superiors Army tae, aro Police ke be. Etu tinta victims ke terrorist ase koi kena. Police para duita civilians ke chargesheet tae naam dhalishe. Etu encounter ke staged kuri kena, tinta accused toh jani-jani kena evidence toh destroy kurishe, tai khan crime kure ke lukia kena fasle imformation dishe. Tai khan toh kiba criminals conspiracy hatch kuri thakishe tai khan laga bhitor tae koi kena, aro cash reward grab kuribole laga motive thakishe koishe, chargesheet para etu janishe.( Times of India)
Add Comment