Purana Congress leader ke UP Party Chief banaidese

NEW DELHI, OCTOBER 16 : Union Minister aro Lok Janshakti Party (LJP) President Ram Vilas Paswan pora Tuesday din Manishankar Pandey ke tai kan Party laga Uttar Pradesh President nemite banaidese. Etubi Congress Party pora jua-jua phale hi hatijai kena thaka ke.Etu purana Congress Party Manishankar Pandey toh LJP Party nemite Tuesday din te huijaise. Aro tai logot etu LJP President pora khushi pora ahebole de kena tai kan Party te tai (Pandey) aha pora besi bhal hobole ase. Aro tai kan LJP Party ke ahkete luijabole kura hobo koi kena janaide thakise. Etu purana Lawmaker Manishankar porabi tai Congress Party nemite thaki kena 45 sal huise. Aro tai Congress Party nemite thaka toh besi khushi nabaa huise koi kena janaide thakise. Kele tai kan state laga Congress Party toh tai kan Regional Party logot te hi mela-mele kurikena thakibole kuri. Etubi Centre te Power thuribole karne hi koi kena. Etu karne Congress Party pora hati kena LJP Party huijai ase koi kena janaise.