Saina Nehwal jetise aro PV Sindhu harise

Agencies, 16 October: Tuesday din Denmark Open laga women’s singles event deh Saina Nehwal toh jetibole parise aro PV Sindhu toh paranai. Saina toh Hong Kong’s Ngan Yi Cheung logode 20-22 21-17 24-22 pora jetibole parise aro tai jun laga khel toh 81 minutes deh khotom howah thakise. Hoilebe third seed Sindhu toh Zhang logode 17-21 21-16 18-21pora suru match harise aro tai jun laga khel toh 56 minutes deh kothom howah thakise. Tension match tim deh Saina toh Cheyung laga challenge deh control kora thakise. Last time tai jun toh 2016 deh khela thakise. Etu time deh Saina hara thakise. Last points time deh opor aro neji hoi thaga time deh Indian pora tuita march points bacha bole para thakise. Etu toh 21-20 aro 22-21 time deh thakise aro khel jetilowah thakise.  Sindhu nemide etu par Zhang logode hara toh third par wala ase.Etu sal agae moina February time deh American shuttler pora Sindhu logode jaraideya thakise. Jakarta Asian Games deh silver medal jeta bechide Rio Olympics silver-medallist Sindhu toh ektum dekthari time jai ase.  Tai Gao Fangjie logode straight-game hara bechide Japan Open laga second round deh knocked out howah thakise. China Open debe 23-sal khelari toh China laga world no 6 Chen Yufei logode 11-21 21-11 15-21 pora quarterfinals deh hara thakise.