Suraj Panwar pora silver jetise

Agencies, 16 October: Suraj Panwar pora athletics  deh India’s first medal toh third Youth Olympic Games laga deh jetise. Etu pora medal count hesab kori thaga toh 11 hoise. Tai 5,000m race laga tuita stage deh 20.35.87 aro 20.23.30 pola pora silver medal jetibole para ase. Tai silver medal toh Ecuador’s Oscar Patin laga nejide loise. First stage deh Panwar toh second deh kothom howah thakise aro second stage time debe eki position deh thakise. Puerto Rico’s Jan Moreu toh third deh bronze medal pora kothom howah thakise. Youth Olympics laga notun format deh final toh track aro field thaga he nai aro event toh tui-par lowah thakise. Jeta bechide Suraj pora IAAF logode janaideya toh, ami laga next step toh Olympics, Asian Games, Commonwealth Games nemide train koribo aro tati be medal jeti lobo. Tai pora aro kowah toh, India laga youth khan karni ami laga message toh dukh koribe aro India karni medal jetibe. Etu edition deh etu medal toh India’s first athletics medal ase. Etu agae 2010 inaugural edition time deh Arjun (men’s discus throw) aro Durgesh Kumar (men’s 400m hurdles) pora silver medal each lowah thakise.