PUNE, OCTOBER 17 : 34 sal dangor maiki hunebole nabara aro kotha ulabole nabara pora tai logot 4 jun Army Sepai kan pora rape kurise aro nahua kam kuride kena thakise koi kena kotha ulaise. Etubi Military Hospital, Maharashtra state laga te jua 3 sal bejete koi kena, Police pora khobor te janaise.
Etu maiki toh Military Hospital, Pune laga Khadki jaka te thaka laga te 2014 sal porahi kam kuri kena (employed) thakise. Aro tai logot etu Hospital te hi kam kurikena thaka 4 jun pora January aro June moina, 2015 sal phale rape kuride kena thakise koi kena janaise.
Etu karne Army kan etu 4 jun logot Court te anede kena kotha mana kuridebole kuri ase. Aro Police kan pora bi etu chamala karne kotha huthe-huthe kuribole kuri ase koise. Senior Police Officer pora koa hisabte etu maiki pora complaint kura ke tai toh rati te kam kurikena thaka laga ase. Etu rati te kam kura time te 1 jun manu ahe kena tai ke joporjus rape kuridese koi kena janaise koise.
Add Comment