Mon • Nagaland

12 Myanmar – Based NSCN (K) Cadres Khan NSCN (R) Join Kurishey

October 10, 2023
October 09, 2023 : 12 Myanmar – based armed cadres NSCN (K) laga, kuntu toh hoiley ‘maj. gen.’ Tingkam Konyak aru ‘brig.’ Tampha Konyak paraa itu NSCN/ GPRN (R) ke join kurishey. Ekta press note tey, NSCN (R) MIP laga secretary para koishey ki, ekta official programme loboley asey, itu officers khan ke aru cadres welcome kuriboley, kuntu toh hoiley council headquarters (CHQ), Phinhang, Tizit, tey para organized kurishey, Saturday tey.
NSCN/ GPRN (R) laga president  – Y Wangtin Naga aru ati kilonser P Tikhak para tai khan laga profound khushi pawa toh express kurishey, itu officers aru  cadres khan ke thanks janai kena, thik decision loa nimitey, itu group ke join kuri kena, aru tai khan sob ke warm para welcome kurishey, koi asey, MIP para koishey.
Tai khan laga part tey, Tingkam aru Tampha para itu NSCN (R) laga collective leadership ke thanks janaishey, tai khan ke aru bhi ekta opportunity diya nimitey, itu nation nimitey kaam kuriboley. Tai khan tai-khan laga complete faith thaka laga express kurishey, itu able leadership tey, Y Wangtin Naga aru P Tikhak laga aru kosom khaishey, eke logotey kaam kuriboley, aru bhi notun zeal para aru vigour para, Naga national nimitey, tai khan para koishey.