Business and Health

Hardi laga health ke improve kuribole laga khana

October 11, 2023
Amikhan ke baccha thaka homoi te hardi ke healthy aro tagra rakhibole nimitey hodai din doodh khabole koi. Hoilebi amikhan bari thaka homoitey calcium khai thakisey koilebi amikhan laga hardi tu nutun te change hoi thakey. Nutun hardi olai aro purana hardi barbad hoijai. Etu matlab tu amikhan laga gao ke pura zindigi bhor calcium dibole jaruri asey. Etu nimitey kuntu umar te thakisey koilebi hardi ke tagra rakhibole nimitey  apni laga kha luwa te calcium shamil thakibole jaruri asey.
Yate 5ta Calcium bhorta thaka kahna dikina asey kuntu tu  hardi ke healthy rakhibole nimitey jaruri asey :
1.      Doodh para bana bustu
Doodh, cheese aro dahi nisna doodh para bana bustu te calcium bhorta asey. Cheese bi calcium pa laga bhal source asey hoilebi extra tail bisi kha para bachibole nimitey tail komti thaka kahna chunibole jaruri asey.
2.      Patta sobji
Green patta khan bi calcium pa laga bhal source asey. Patta khan te vitamin K khan nisna jaruri vitamin bi bisi asey kuntu tu hardi ke healthy rakhibole nimitey jaruri asey.
3.      Maas
Bisi manu khan para najanikina thakibo parey. Hoilebi salmon aro sardine nisna maas khan te bi calcium bisi asey. Salmon maas te vitamin D thakey kuntu para calcium absorp kuribole modod korey.
4.      Badam aro gutti
Badam aro gutti khan bi calcium pa laga bhal source asey. Ek cup almond kha para amikhan laga gao te hodai din calcium lagia laga 0ne-third para bisi jarurat pura kuridiye.
5.      Beans
Beans te magnesium, calcium arp phosphorus nisna hardi nimitey bhal thaka nutrient asey kuntu para hardi laga health ke improve kuribole modod korey.
Hardi ke tagra aro healthy rakhibole nimitey kha luwa te nutrient bhorta thaka khana shamil kuribo lagey.