“Itia tho muila stage kotom hui nah 24 hours b hoi jai shae hoile b itia b show laka josh deh ase. Manu kan social media deh stories kan share kuri ase aro etu karne mui ita b show deh taka nishi nah ase. Olop tho time laki bot ate para shanti hobo leh.” Tai kui shae.
Tai para standing ovation tho 20 minutes karne taki sahe kwa tho jana b jana taka nai kui shae. “Mui manu kan kwa piche deh heh 20 minutes karne standing ovation pah tho jani shae, kile koile mui tho khali 2-3 minutes he hui shae kui nah papi shae. Mui tho khali legendary films aro alak bhal performances kan enaka standing ovation pai kui nah he janeh. Mui itia b biswas kuri bo napareh enaka nishi nha hui shae kui nah. Comedy tho sport nishi nah heh ase, puila match deh ki hui shae eki isap nai, tui ball tho kili bole he lakeh,” tai kui shae.
Khan para tai tho aro taila limit push kuri taki bo kui shae. “Itia tho ruki bole nai. Mukan Abu Dubai laka Etihad Arena deh perform kuri bole ase, date tho phat confirm hobo kui nah hope kuri ase. Mukan New York laka Madison Square Garden deh b perform kuri bole ase, kuto dunia deh ekta iconic venue ase. Albert Hall deh kinak hui shae, Madison deh b hobo dibo mun jai ase mui.”
Add Comment