Nagaland

NIPF Para Assurit Hoishey, Non Indigenous Manu Ke Ekta GB Hisap Tey Appoint Kuria Jani Kena

October 11, 2023
October 10, 2023 : Itu Nagaland Indigenous People’s Forum (NIPF) para assurit hoa laga express kurishey, itu ekta non indigenous man uke GB hisap tey appoint hoa laga jani kena. Ekta statement tey, itu forum para itu toh ekta serious issue asey koi kena term kurishey, kuntu toh hoiley halka para nalobo lagey koishey, kiley koiley itu para negative impact hobo parey itu indigenous manu khan majetey, Nagaland laga, opor tey, future tey.
Itu para, tai khan urge kurishey, itu state government ke, itu opor tey kaam kuriboley aru tai khan kaga mechanism ke activate kuriboley koishey, check kuriboley, judi eneka nishina appointment khan kurishey koiley poila din khan tey, nahoiley tyaar hoboley koishey eneka nishina appointment ke prevent kuriboley, future tey.
Itu forum para stress kurishey ki, itu toh hoiley high time asey, ghumai thaka para uthiboley, aru saboley itu pitiable condition tey,  itu kunba alag North-eastern states khan laga jaga khan tey bhi, kotey non- indigenous manu khan toh kabja kuri loishey, nahoilebi tai khan toh hoiley itu indigenous manu khan ke take over kuri loishey, itu sob governing set- up khan tey aru itu indigenous manu khan ke minority banai kena rakhi dishey, tai khan nijey laga jaga tey he.