New Delhi, October 11 : Duniya laga ekta top chawl export (dusra desh te supply kora) desh, India, para election ahibole agey te, desh te adha boiled chawl laga daam control kuribole nimitey etu adha boiled chawl ke dusra desh te supply kora te tax lagu kora tu extend kuribo parey. Aro market ke tight rakhi asye aro duniya te khana laga inflation(daam) utha laga risk baraidiye. Etu mamla laga jankari thaka kunba manu khan para koisey ki sarkar para adha boil chawl te 20% export tax lagu kuribole bhabna kuri asey kuntu tu October 15 te expire hobole asey. Etu manu khan para taikhan laga pehchan janai nidibole koisey kilemaney etu mamla tu etya bi secret asey. Taikhan para koisey ki kunba market participants khan para bhabna kora nisna sarkar para 40% tax uthabole laga eku plan nai. India para etu saal laga July last fale para export restriction baraidisiley. Etu tu aha moina te kunba rajya te election hobole agey te aro 2024 laga first fale, desh laga election naha agey te India te saman khan laga daam uthithaka tu control kuribole nimitey kora asey. Asia te chawl laga daam komti hoi asey hoilebi alag alag jag ate El Nino para biya asar kuribole laga chinta olai asey. Chawl laga daam utha para duniya te billion manu ke dukh pungchabo parey. Kilemaney South east Asia aro Africa te manu khan para calorie luwa laga 60% tu grain(anaj) para ahey. Bisi desh khan para etya tak bi pandemic para economy namaija tu recover kuribole nimitey etya tak bi dukh pai asey. India para bisi alag alag kisim laga chawl ugai kuntu tu India laga total export laga 30% asey.
Add Comment