Headlines

Nagaland te MR Dawai mara 3 lakhs bar huise

October 17, 2018

DIMAPUR, OCTOBER 17 : Ek din pora ek din, Nagaland te MR dawai maribole kura besi-besi huijaise. Eneka huikena edia toh 3 lakhs pora besi huijai kena ase. Health & Family Welfare Department khobor hisabte October 16 dak hisabte Nagaland state te sob melai kena 3,05,948 bacha kan etu MR dawai mari kena ase. Etubi 2,632 School aro 909 Outreach Sessions laga bacha kan ke koi kena janaise.

Mission Director NHM, Dr Kevichusa Medikhru pora etu MR dawai maribole koa ke sob jaka pora bhal te mani kena etu dawai maribole kura toh ekdam bhal laga kotha ase aro ekta mon bisas kurikena thaka laga ase koi kena janaise. Etu Department kan porabi Afministration, Police, Assam Rifles, Allied Departments aro Civil Societies kan ke besi khushi baa janaise. Aro etu oporte tai kan kebi etu MR bemar kan hataidebole aro dawai sob logot maridebole karne bhal te motub kurikena thakibi koi kena janaise. Kele etu porahi etu Campaign toh bhal te manai khotum hua hobo koi kena.

MR Vaccination Dimapur te

Dimapur te bi MR dawai mara kan toh 72,309 bacha kan marikena ase. Etubi MR dawai Dimapur District laga sob Schools te maribole kurikena ahke 2 habta hua majutte. Dr. Rebecca Y. Sema, DIO, RCH-UIP pora koa hisabte etu ahkete 2 habta majutte tai kan sob logot etu MR dawai maridebole babuna kura hisabte 50% nesena toh maride kena ase koi kena janaise koise.

Tai bi etu MR dawai maribole koa toh etu Outreach kan nemite Wednesday din porahi suru huise. Aro etu maribole kura ke besi jun bisas kurikena ahkete ah ease. Aro etu hisabte toh Dimapur District laga toh chulti pora sob ke maridiya hobo koi kena janaide thakise. Aro tai bi MR dawai maribole karne 2 din wala hua time te kunoba schools kan te etu dawai mara toh besi komti thakise. Etu karne tai kan nemite bi Outreach Activities hisabte etu dawai maridebole kuri ase koise.

Etu Dr. Rebecca porabi School Authorities kan etu dawai maribole karne motub kurikena aro ahkete ahe kena thaka nemite besi khushi baa janaise. Aro etu nesena Colony/Ward leaders aro Local Authorities kan kebi Outreach Activities hisabte mana time te bhal te mon melekena motub kuribole kuribi koi kena janaise. Etubi neju-neju jaka te.