Shillong, October 12 : Meghalaya laga Chief Minister Conrad K Sangma para aha 5 saal te Rs 1,000 crore maan poisa invest kuribole ailan kurisey. Etu announcement tu tai para October 12 te, East Garo Hills laga Rongjeng stadium te foundation lay kora ceremony chuli thaka homoitey kurisey. Kuntu para sports ke develop kuribole nimitey rajya kiman dedicated asey etu dikhabole asey.
Etya construction chuli thaka Rongjeng Stadium project te Rs 9.25 crore poisa khorcha hoi asey. Etu budget teekta football ground aro football match sabole aha manu khan buhibole laga jaga bana bi shamil asey. Etu foundation laying ceremony ke Sports Minister Shakliar Warjri aro MLA Jim Sangma aro Rupert Momin duijun bi shamil thakisey.
Chief Minister Conrad K Sangma para late PA Sangma laga visionary spirit ke wapas jagabole laga moka loisey aro PA Sangma para Rongjeng aro etu jaga laga manu khan logotey share kora deep connection ke highlight kurisey. Tai para jor dikina koisey ki rajya te Rongjeng Sub Division aro bisi alag alag infrastructure project banaithaka para PA Sangma laga etu area nimitey thaka vision dikhai asey.
Sangma para janaisey ki juwa 5 saal te, sarkar para sports development anibole nimitey Rs 400 crore laga budget bhak kurisey. Juwa 4 saal aro 5 saal ke compare kurisey koiley etu budget tu bisi barijaisey. Agey barikina, tai para aha 5 saal te rajya te sports infrastructure agey barabole nimitey Rs 1,000 crore maan poisa bhak kuribole laga plan janaisey.
Tai para koisey, “Rajya suru huwa homoi para loikina 2018 tak sports laga development aro promotion nimitey eman poisa khorcha huwanai. Hoilebi, MDA sarkar para rajya te sports laga potential ke chinisey aro rajya te sports promote kuribole nimitey alag alag program launch kurisey.” Conrad Sangma para sarkar laga 25 football ground logotey nakli turf banabole laga bhabna bi janaisey.
Etu saal Meghalaya Games 2023 tu Tura te hobole asey aro etu tea lag alag rajya para 3,000 opor khilari bhag lobole asey. Chief Minister Conrad Sangma para samjhaisey ki taikhan laga focus tu ekta bhal infrastructure banabole aro jawan manu khan ke taikhan laga talent dikhabole nimitey ekta platform dibole laga asey.
Agey barikina, Sangma para public ke CM Elevate program laga bi jankari disey kuntu para entrepreneur (nutun nutun business laga idea thaka manu khan) ke alag alag business khara kuribole modod korey. Tai para manu khan ke etu nutun suruwat laga faida uthabole encourage kurisey.
Sports Minister Shakliar Warjri para etu occasion te kotha kora homoitey Meghalaya te sports promote kuribole nimitey sarkar laga commitment tu wapas doraisey. Tai para declare kurisey, “Chief Minister Conrad K Sangma laga leadership under te, amikhan para rajya te sports laga subidha bhal dibole aro Meghalaya ke sports capital banabole laga goal rakhikina kaam kuri asey.”
Etu foundation-laying ceremony picheyte last te United Shallang Football Club aro Balbarian Sports Club Rongjeng laga majotey MLA Cup laga final match hoisey. Etu para tatey laga local community tu sports ke agey barabole nimitey active para kaam kuri asey koikina dikhai asey.
Add Comment