Kohima • Nagaland

Kohima District Task Force Para Immunization Campaign Opor Tey Meeting Loishey

October 14, 2023
October 13, 2023 : Itu Kohima District Task Force for Immunization para rural aru urban area duita bhi encompass kuri kena, ekta meeting loishey, October 12th, 2023 tey, Intensified Mission Indradhanush (IMI) laga progress opor tey kotha kurishey, Measles- Rubella (MR) Eliminationa Drive, aru Routine Immunization (RI) laga, itu DPDM laga Conference Hall tey para, Kohima district laga.
Dr. Khrievilhou Nakhro kun toh hoiley District Programme Officer asey, Reproductive aru Child Health (RCH) laga aru Universal Immunisation Program (UIP) laga, Kohima tey, tai para ekta overview dishey, itu Intesified Mission Indradhanush (IMI) 5.0 laga status laga aru MR Elimination Drive  laga.
Tai para khobor dishey ki, itu campaign khan toh hoiley significant success achieve kuriboley parishey, 95% laga coverage rate logotey. Eneka thakilebi, tatey toh hoiley itya bhi kunba manu khan asey kun khan toh hoiley vaccinate kuria nai, migration, refusal aru bimar khan thaka laga reason khan para. Itu campaign toh hoiley August tey para shuru hoishey, aru itu toh hoiley October 14th 2023 tey khotom hoboley laga schedule tey thaka laga asey, itu Kohima District laga bhitor tey para.