Prajnesh Gunneswaran quarterfinal kushise

Agencies, 17 October: Wednesday deh India laga ekala khelari Prajnesh Gunneswaran toh Ningbo Challenger laga quarterfinal deh kushibole parise. Tai toh Chinese khelari Zhe Li logode 6-3 2-6 7-6(0) pora second round deh jeta thakise. Single main draw deh Prajnesh toh ekala Indian khelari ase. Tai logode Ramkumar Ramanathan, Sumit Nagal aro Saketh Myneni thaga toh first round dehe out howah thakise. April moina Kunming Open deh jeta 28-sal khelari toh next Yunseong Chung logode khelibole ase. Opening round time deh Yunseong Chung pora Ramkumar logode knock out kora thakise. Men’s double deh Ramkumar aro Nagal be first round deh out howah thakise. Hoilebe pair Myneni aro N Sriram Balaji toh quarterfinal deh kushise. First round deh Balaji aro Myneni pora Hiroki Moriya and Rubin Statham logode 6-0 6-3 pora jeta thakise.