Imphal, October 16 : India laga President para Judicial officer Golmei Gaipulshillu Kabui ke Manipur High Court laga Judge chunisey.
Monday din te, Manipur High Court laga Acting Chief Justice, MV Muralidharan para Manipur High Court Hall, Imphal te Kabui ke, office aro secrecy laga oath (kosom) administer kurisey.
Kabui tu Manipur High Court laga Chief Justice appoint huwa first Naga maiki asey.
Office aro secrecy laga kosom loikina olop diri huwa picheyte, Kabui para news diya manu ke koisey ki tai para desh laga nyom hisap te, aam manu khan laga bhalayi nimitey sobsey bhal service dibo.
Tai para agey barikina koisey ki tai para insaniyaat laga naam te aro Manipur laga Acting Chief Justice para aro Manipur High Court laga alag judge khan para direct kora hisap te sachayi aro nyay kuribo.
Golmei Gaipulshillu Kabui ke appoint kora laga mamla ke loikina Central government para October 13 te ekta notification issue kurisiley. Golmei laga naam tu, Supreme Court Collegium para etu saal laga January moina te etu saal te aro Union Law Minister Arjun Ram Meghwal para bi X (twitter) te, etu appointment laga announcement kurisey.
Appoint huwa nimitey aro Monday (October 16) para office laga charge luwa nimitey bisi organization khan para Golmei Gaipulshillu Kabui laga tariff kurisey.
The Kabui Union Manipur, Kakhulong Pei (Thoubei) Authority aro Zeliangrong United Committee Manipur Valley para alag alag bayan te koisey ki Golmei Gaipulshillu Kabui tu tribal community para Manipur High Court te enaka izzadar position dhora first maiki hobo.
Etu organizations para Kabui ke insaniyat laga bhalayi nimitey hosa aro nyay kuribole aro takat dibole aro himat dibole prathana kurisey aro tailaga career nimitey bi subhkamna disey.
Add Comment