Aizawl, October 16 : Congress neta Rahul Gandhi tu October 16 te, election hobole thaka rajya Mizoram te Congress party laga candidate khan nimitey campaign kuribole nimitey pungchisey. Rajya te pungcha picheyte, etu Congress neta tu Chanmari para Raj Bhawan tak theng para beraisey aro tailaga charo taraf te tailaga supporter khan thakisey.
Rahul Gandhi tu Aizawl te, Tripura laga capital Agartala para ekta helicopter te buhikina pungchisey.
Theng para bera laga yatra pura kora picheyte, Gandhi para Mizoram laga governor laga ghor ososr te ekta rally rakhibole asey aro picheyte shaam fale, student khan logotey baat chit kuribole asey.
October 17 te, Rahul Gandhi para Mizoram laga congress party leader khan ke lok kuribole asey aro Aizawl te ekta press conference attend kuribole asey. Picheyte, tai para Mizoram laga Southern part te Lunglei town bi visit kuribole asey aro ekta public meeting rakhibole asey.
Add Comment