October 17, 2023: Asian nation laka coast deh ekte fighter jet para Canada laka patrol plane cut off kuri shae aro plane laka rasta deh flares kan b girai shae. Etu karne ekta Canadian general para Chinese air force keh criticize kuri shae.
Etu incident tho Monday din Global News para report di shae. Taikan laka journalist kan Canadian surveillance aircraft deh bui taki shae. Chinese fighters kan plane laka 5 meters osor deh uri taki shae kui shae taikan para.
“Taikan over heh aggressive hui jai shae aro ekta isap deh tho unsafe aro unprofessional b kubo pari bo,” Major-General lain Huddleston para Canadian news outlet keh kui shae.
South China Sea laka etu incident karne Beijing para ekta diplomatic complaint file kuri shae Ottawa lokot, Foreign Ministry spokeswoman Mao Ning para kui shae Tuesday din deh.
“Canadian airships kan China laka doorstep deh jamala kan banai ase. Canada kan facts respect kuri b oleh lakeh aro misa kan kwa tho ruka bole lakeh.” China laka Defense Ministry para etu kotha deh huda tho eku jawab dia nai.
Etu incident para China laka frustration dikai ase taikan laka osor deh Western military flights kan dika tho. Hoile b etu kan tho International airspace deh heh kuri ase. China kan tho pura South China Sea taikan laka jaka ase kui nah claim kureh aro etu kotha laka jamala tho olop piche deh dangor hobo pareh.
Add Comment