October 17, 2023: Russia laka President Vladimir Putin, Tuesday din China deh ahi shae taila ‘dear friend’ XI Jinping lokot mili bole karne. China etu hapta 130 countries laka representatives welcome kuri ase President Xi’s Landmark project, Belt and Road Initiative laka forum karne. Etu chui nah Beijing taikan laka global influence dangor kuri bo mun jai ase.
Putin tho invitation list deh top ase. Taila place thik 0:30 am pa pun cha time deh China deh land kuri shae. Tai tho Wednesday din deh Xi lokot kotha kuri bole schedule ase, Kremlin para kui shae.
“Kotha kura time deh, special attention tho international aro regional issues kan deh dibo,” Kremlin para kui shae.
Experts kan tho dangor kobor ola bo kui nah expect kuri ase aro etu meeting tho aro Moscow keh support kuri ase kui nah ishara ase papeh experts kan para.
Russian Foreign Minister Sergei Lavrov para China keh thank your kui shae Putin keh summit laka chief guest bana karne. Putin aro Xi tho taijun lah countries laka ties kotha kuri bole ase, Lavrov para Wang keh kui shae. Wang wapas, tai para Russia laka support tho kushi pai kui shae.
“President Xi Jinping muike sathi mathe aro mui b taikeh sathi mateh,” Putin para China state broadcaster CGTN keh kui shae, Kremlin readout laka isap deh.
Add Comment