October 18, 2023: Lebanon laka Hezbollah para Gaza hospital deh hamla hua tho Israel laka deadly attack ase kui shae aro etu hamla tho denounce kuri shae. Etu piche deh aro “ek din laka unprecedented anger” karne mati shae Wednesday din deh. Etu kura tho incident piche deh Beirut laka U.S embassy bahar deh protest kan olai jai shae.
Iran-backed Hezbollah, kuto Israel laka against wa kili shae 2006 deh, taikan para Tuesday din Beirut deh ekta din laka protest karne mati shae. Israel laka military para etu bombing laka responsibility deny kuri shae. Aro taikan para military intelligence isab deh hospital tho ekta failed rocket para mari shae kui shae kuto Palestinian Islamic Jihad military group para launch kuri shae.
Islamic Jihad para hospital blast deh taikan laka rocket involve taki shae kui nah deny kuri shae. Ekso nishi nah Lebanese protestors kan Tuesday rati U.S embassy laka bhar deh jama kuri nah taki shae etu incident laka jawab karne. Alak kan tho Beirut laka French embassy deh jama kuri nah taki shae.
Hezbollah para etu statement ekta kui shae: “Etu hamla para true criminal laka shakal dikai ase aro taikan laka sponsor… United States kuto etu massacre karne direct aro complete responsibility duri ase.
Add Comment