Imphal, October 18 : Wednesday (October 18) te, Manipur laga Ukhrul District te thaka Mini Secretariat of the District Commissioner te duita Kuki cabinet minister khan logotey ekta state cabinet meeting rakhisey.
Myanmar ke border kora aro bisi bhak Naga community khan boha Ukhrul district te, enaka cabinet meeting rakha tu etu first time asey.
Manipur te Chief Minister N Biren Singh para chola sarkar laga minister laga 12 council asey hoilebi Wednesday din te huwa cabinet meeting te, duijun Kuki Minister – Nemcha Kipgen aro Letpao Haokip para May 3 para Meitei aro Kuki laga majotey gondogol chuli thaka nimitey etu meeting ke attend koranai.
60-member Manipur Legislative Assembly te, 10ta Kuki MLA asey hoilebi sob Kuki MLA khan para rajya tea lag administration demand kuri asey.
Taikhan para Manipur Assembly laga olop din ageyte khotom huwa budget session bi attend koranai.
Official sources para koisey ki CM Biren Singh tu Ukhrul te helicopter para ahisey. Aro alag minister aro MLA khan tu Ukhrul district headquarter te pungchibole nimitey rasta para travel kurisey. Etu jaga tu Imphal para 82 km du rte asey.
Sources para koisey, Kangpokpi district headquarter te, poila te ekta cabinet meeting rakhisiley kotey Kuki community khan bohey aro sarkar para Manipur laga Chandel district headquarter khan te bi ekta cabinet meeting rakhibole plan kurisey.
Manipur laga Chandel district te bi bisi bhak Kuki community khan bohey.
Add Comment