New Delhi, October 18 : Enforcement Directorate (ED) para Wednesday din te Covid-19 pandemic homoitey huwa Khichdi scam laga connection te, Mumbai laga 8ta jaga te talashi loisey. Taikhan para raid kora jaga te senior Brihanmumbai Municipal Corporation officer aro Suraj Chavan laga thaka jaga bi shamil asey. Suraj Chavan tu Aaditya Thackeray laga close sathi asey.
Suraj Chavan laga thaka jaga ke June 6 te raid kurisiley aro taikey Covid jumbo centre scam te bi sawal kurisiley. Enaka suspect kuri asey ki Suraj Chavan para BMC laga official khan ke Covid chuli thaka homoitey kunba contractor khan ke contract dibole influence kurisey aro etu contract khan para tai illegal tarika para poisa paisey.
Sources laga hisap te, Enforcement Directorate (ED) laga official khan para BMC laga poila laga Ward Officer Sangeeta Hasnale laga ghor te bi talashi kuri asey.
Poila te enaka report olai thakisey ki Enforcement Directorate para Khichdi supply contract scam laga connection te, ekta ECIR (Enforcement Case Information Report) register kurisey kuntu te bisi manu aro company khan shamil thakisey.
Juwa moina te, Mumbai Police para Shiv Sena (UBT) MP Sanjay Raut laga close sathi Sujit Patkar laga against te Khichdi scam logotey jurikina thaka ekta case register kurisiley. Aro tai logotey Sunil aro Rajiv Salunke laga against te case register kurisey Sujit Patkar tu Covid Centre case te bi accuse hoikina asey kuntu ke Mumbai Police aro Enforcement Directorate duijun para bi investigate kuri asey.
Etu Khichdi(khichri) scam tu ekta mamla asey kuntu te Covid-19 laga pandemic thaka homoitey dusra jaga para ahikina thaka manu khan ke ‘khichri’ bhak kuribole laga contract diya te khilimili kurisey. 6.37 crore maan poisa khaisey koisey. Patkar aro alag manu khan ke kunba bahar para ahikina thaka manu khan ke taikhan para bill submit kora hisap te khichri supply kurisey koikina misa koikina BMC ke thoga laga suspect kuri asey.
Add Comment