Mumbai, October 19 : Ekta asurit kuridiya ghotna te, ekjun manu para nijor ke Mumbai laga Bandra Kurla Complex te thaka flyover te hang kurikina suicide kurikina murijaisey.
Social media te ekta video viral hoisey kuntu te etu manu tu flyover te ekta rusi para hang kuri thaka dikhaisey. Khobor diya hisap te, etu manu para rusi tu tailaga gola te bandisey aro enaka kurikina flyover para jump kurisey aro enaka kurikina tai murijaisey.
Etu homoitey, kunba reports para dawa kurisey ki etu manu tu ekta activisit (samaj tea was utha manu) thakisey aro tai para manu khan laga dhyan khichibole laga kosis te agey barikina enaka khatarnak kadam uthaisey. Media laga report khan para etu manu lga naam tu Sunil Baburao Kawle asey aro tai tu Jalna jaga laga asey koikina identify kurisey. Etu janibole paisey ki etu manu para Maratha community nimitey reservation dibole laga protest kuri thaka homoitey enaka dangor kadam uthaisey.
Police para etu manu suicide kora jag ate ekta mobile phone aro suicide note paisey. Tailaga dead body ke post mortem karney pathai disey.
Add Comment