Tripura mob chamela

AGARTALA, October 20, 2018:West Tripura district te duita community khan majhotte jakara ola time komti hoilebi 61 families laga 3000 nishena manu khan polaijaishe aro etu logote charta nishena ghor julaidishe .Etu bi ekta tribal maiki ke molest kurai diya nimete.Tai khan  koishe etu char jun ke thurishe .Police khan kuwa hisaab te etu maiki tai laga mota logote Ranirbazar area Thursday din osor te ahise durga laga idol sabole nimete aro etu time te char jun chokra tai ke molest kurikena  tai laga mobile loi loishe  .”Etu duijun(mota aro maiki ) tai khan laga ghor wapas jaishe  aro bhorta manu ke loikena ahisde kun khan utu manu khan kun pora etu chokri ke molest kuribole kosish kurishe tai khan laga ghor te hamlaa kurishe,” Sub-divisional Police Officer (SDPO) B B Das koikena janaishe.Etu chamela hoikena  Ranirbazar area, te manu khan bhui khaikena thakishe .Etu chakara toh Friday te bi hoishe  aro etu khobor paikena state minister aro Indigenous People’s Front Tripura (IPFT) leader N C Debbarma etu jaka te jaikena  etu situation handle kurishe .”Hoilebi etu situation rukhabole naparikena  .Etu manu khan ghor julabole kosish kurikena ekta ghor toh julai dishe  .Etu huwa pichede komti hoilebi 61 family laga 300 manu nishena polaishe  .Aro 300 manu nishena    Ranirbazar police station osor te bui ase.” SDPO koishe. District administration khan tai khan ke kha luwa di ase.Das koishe police khan district Superintendent of Police Ajit Pratap Singh logote etu jaka te ase aro situation toh control te ase.