October 19, 2023: Alternative for Single Use Plastics karne ekta stakeholder Meeting lui shae September 25, 2023 deh. Etu meeting tho September 25, 2023 deh lui shae Urban Development Directorate laka Conference Hall, Kohima, Nagaland deh. Kesonyu Yhome, IAS Commissioner and Secretary to the Chief Minister of Nagaland laka chairmanship pitor deh etu meeting tho lui shae.
Chairman para etu meeting laka purpose tho state deh SUPs laka alternative products kan thik seh implement kuri bo karne lua ase kui shae. Alak states kan deh keh SUPs laka problem hata bole ki method effective taki shae, etu kan adopt kuri bole lakeh kui shae. Aro state laka need isap deh etu method kan deh olop change kuri bo lakeh kui shae.
Meeting lua time deh entrepreneurs kan para alak alak alternatives products kuto SUPs safely replace kuri bo paribo, etu kan endorse kuri shae. Hoile b etu alternative products kan tho traditional single-use product kan lokot dam ase kui shae.
Nagaland Pollution Control Board (NPCB) para companies kan kuto single use plastics products produce kureh, etu companies kan Central Pollution Control Board (CPCB) laka standards aro certification lokot comply kuri bo lakeh kui shae aro etu tho entrepreneurs kan laka responsibility ase kui shae.
Stakeholders kan para, para tak procedural formalities simplify kuri bo kui nah acha kui di shae aro entrepreneurs kan keh SUP alternative products laka dam komti kuri bole bisari b kui nah encourage kuri shae.
Add Comment