Pollution data : Hawa laga quality sobsey biya thaka 10 ta Indian seher

New Delhi, October 23 : Delhi National Capital Region (NCR) laga bhitor te thaka bisi alag alag seher te Monday din te hawa laga quality bisi biya thakisey.  Aro bisi alag seher khan te hawa laga quality bisi bhal thaka

Central Pollution Control Board (CPCB) laga hisap te, hawa laga quality sobsey biya thaka seher khan tu Greater Noida, Delhi, Faridabad aro Muzaffarnagar thakisey.

CPCB laga hisap te, air quality bhal thaka thaka tu 0-50 laga bhitor te girey. Hawa laga quality satisfactory thaka tu 51-100 laga majotey girey, ‘Normal’ tu 101-200 laga majotey girey, ‘Biya’ tu 201-300 laga majotey girey aro ‘Ekdam biya’ tu 401-500 majotey girey.

Greater Noida laga hawa laga quality tu 354 te record hoisey, Uttar Pradesh laga Faidabad seher laga 322 te, Delhi laga 313 te, UP laga Muzzafarnagar seher laga 299 te, Haryana laga Bahadurgah laga 284 te, Manesar laga 280 te. Rajasthan laga Bharatpur aro Bhiwadi laga hawa quality tu 261 te record hoisey.

Haryana laga Kurukshetra laga hawa quality tu 256 te record hoisey, Gurugram laga 255 te, Meerut 253 te, Ghaziabad laga 246 te aro Karnal laga 243 te.

Commission for Air Quakity Management (CAQM) laga sub-committee para Saturday din te, aha homoitey hawa laga quality aro bisi biya hoijabo parey koikina Graded Response Action Plan (GRAP) laga Stage-II laga hisap te 11-point action plan suru kurisey.

Delhi laga environment minister Gopal Rai para Monday laga 12 pm te GRAP laga Phase 2 suru kuribole laga plan ke discuss kuribole nimitey ekta meeting rakhisey.

Rai para ekta new agency ke Monday te enaka koisey, “ Delhi te thanda tu bari asey aro hawa laga speed tu komti hoisey aro etu para pollution(hawa letra huwa) ke baraidibo parey. Delhi te, GRAP laga second phase lagu kurisey. GRAP laga phase 2 ke suru kuribole nimitey discussion kuribole karney etu mamla logotey jurikina thaka sob department logotey ekta meeting rakhisey.

Tai para agey barikina koisey, “ Weather(mosom) tu amikhan laga haath te nai. Hoilebi pollution(hawa letra huwa para) manu khan laga gao te effect huwa tu komabole nimitey pollution ola laga karon ke paratak control kuribo lagibo.