BANDA, UTTAR PRADESH, OCTOBER 21 : Uttar Pradesh laga Banda District te Private School laga Teacher 1 jun pora 8 sal dangor moda bacha ke besi maridese. Etu bejete olop thaki kena etu bacha toh murijaa huise koi kena, police pora aji janaise.
Senior Police Officer L B Kumar Pal pora koa hisabte Tuesday din Sadimadanput bosti te 1 jun Teacher Jairaj koi kena mata pora tai neju student 1 jun 8 sal dangor moda bacha Arbaj koi kena mata ke besi biya pora maridese. Eneka huikena etu student toh Hospital te sabole luijaise. Huilebi tai Friday din te murijaa huise koi kena janaise.
Etu karne etu chamala nemite FIR toh Saturday din te thalidese. Aro etu chamala nemite Police kan pora kotha hutha-huthe kurikena sai ase koise.
Add Comment