Uruguay, 26 October : UK para scientist khan kuishey taikhan para sobse dangor breakthrough panaishey cervical cancer bhaal kuriboley 20 saal dey. Itu findings, itia tak ekta trial stage dey, ESMO medical conference dey present kurishey, BBC ke report kurishey. Researchers para kuishey ki taikhan laga notun treatment para mahila itu bimari para muria laga nahuiley itu cancer wapis ahia toh 35 per cent para komti kuri dey. Itu khobor toh Sherika De Armas, former Miss World contestant, murina ek haafta piche dey ulaishey kun cervical cancer para murishey. Itu Uruguayan toh 26 umaar dey murishey.
Local media hisab dey, Sherika De Armas toh cervical cancer laga khikaf tui saal karney ladai kurishey. Tai bishi treatments luishey huilewi bimari ke harawoley parianai. Tai October 13 dey murishey.
Itu cancer toh cervix in ulaishey, uterus para khali olob centimeter duur jaina. Taike 2021 dey diagnose kurishey aro itu ke bhaal kuriboley bishi kosis kurishey.
Itu model para Uruguay ke 2015 dey international level dey represent kurishey. Sanya, China, competition dey tai top 30 tak jawo parianai, huilewi tai six 18-saal-umaar majudey thakishey itu competition laga time dey.
Taike tai laga “sundur chehera, lamba height aro charismatic personality” karney tarif kurishey, ekta outlet para Ms De Armas ke “Uruguay laga promising talent maju dey ekta” kuishey.
“Mui hotai ekta model huwo mun jai thakishey, ekta beauty model hubi, ekta advertising model nahuiley ekta catwalk model,” tai para NetUruguay ke kuishey 2015 competition piche dey.
Add Comment