US, 26 October : Maine laga state dey hundreds police khan mota ekta ke pisari asey kun mass shooting laga connection dey asey ekta bar aro ekta bowling alley dey Lewiston laga town dey, kitia notun outlets para report kurishey 16 para 22 tak manu muria laga, kutey bishi jokhum bhi huina asey.
Officials para kuishey ki tatey bishi casualties asey huilewi figure diwoley maana kurishey.
State aro local police para identify kurishey Robert R. Card, 40, kun ke summer dey mental health facility ekta dey commit kuri dishey, itu case dey haat thakina. Agey dey, taikhan para Facebook dey photograph khan post kurishey ekta bearded mota ekta brown hoodie aro jeans lagaina crime scenes ekta dey, ekta semi-automatic rifle ke firing position dey dhurina.
“Muikhan hundreds nishina Maine state phaney police ke kaam kuribi di asey Mr. Card ke pisariwoley kun toh itu case dey haat asey,” Maine Public Safety Commissioner Mike Sauschuck kuishey ekta news conference dey.
Police para ekta poka SUV paishey kuntu taikhan phabey Card para Lisbon town dey chulaina jaishey, 7 miles (11 km) nishina southeast tak, aro Sauschuck kuishey ki Lewiston aro Lisbon tuita dey bhi manu khan ke ghor pitor dey thakiboley janai dishey.
Kunwa media para report kurishey ki ekta Maine law enforcement bulletin para Card ke ekta trained firearms instructor aro U.S. Army reserve laga ekta member kuina identify kurishey kun para recently report kurishey ki tai mental health issues asey, awaaz khan hunia milaina. Itu para kuishey ki tai para National Guard base ekta ke bhi golee mariwoley dhamki dishey.
“Card toh mental health facility dey tui haafta karoney committ kurishey reports hisab dey summer 2023 dey aro piche dey release kuri dishey” kuishey Maine Information & Analysis Center laga notice ekta para.
Add Comment