Congo rebels pora 13 jun moraidese aro besi bacha kidnap korise

Agencies, 21 October: Congo’s military pora janaideya toh, rebels pora Ebola laga center deh hamla kori kena 13 civilian moraidese aro besi bacha khan kidnap kori loise.  Capt Mak Hazukay Mongha pora The Associated Press logode kowah toh, Saturday aro Sunday deh rebels pora Congolese army positions aro Beni laga alag-alag neighbourhoods deh hamla korise. Tai pora kowah toh army khan Allied Democratic Forces fighters logode hamla koribo karni besari ase. Sunday morning Beni laga manu khan pora jarta death bodies toh Beni’s town hall pora ola thakise. Etu time deh police khan tear gas jolai kena Beni laga manu khan ke hataideya thakise. Jowah moina last hapta phalli rebel pora ektum beya pora hamla kora karni Beni jaga toh olob din karni suspend korideya thakise.