Agencies, 21 October: Sunday din Nepal’s Nawalparasi district jaga deh ekta buss toh control koribole napari kena nodi (river) deh kera (fell) thakise. Etu pora nai-nai koile be five jun moraidese. Etu moraideya majode Indian manu be meli kena thaga jani-paise. Police pora kowah toh, Indian national, Bihar laga manu Bidhananda Yadav toh Madhya-Bindu Municipality jaga deh accident pora morise. Police khan pora janaideya hesab deh, ettu bus toh Bhairahawa pora Ithari jaga deh jai thaga ase aro etu bus toh control koribole napari kena Municipality jaga laga Arun river deh kerise. Etu mora khan majode ekta horu moda bacha be meli kena ase. District Police Office, Nawalpur pora kowah toh, olob time bechide ektum serious pora jokhom powah passenger Bharatpur Medical College jaga deh treatment jai thaga be morija thakise. Police pora janaideya hesab deh, 36 passenger jokhom powah khan hospital deh treatment kori ase aro olob jokhom powah six passenger toh tai khan laga khor deh khoraise. Nepal deh accident hoi thaga toh rasta khan thek na-thaga karni ase. WHO hesab deh, duniya deh road accidents pora mora toh eight deh ase. 70 percent pora be besi road accidents pora mora toh developing desh khan deh hoi.
Add Comment