Germany, 28 October : Bayern Munich captain aro goalkeeper Manuel Neuer tai laga comeback panawo Saturday laga ghor Bundesliga match dey Darmstadt logot, theng phangia karoney ek saal nishina miss kurina, coach Thomas Tuchel kuishey Friday dey. Itu 37-saal umaar, ekta World Cup jitia manu Germany logot 2014 dey, ekta skiing ghatna jaa December dey hua laga jokhum khaina khilianai, World Cup Qatar dey tai laga desh karney feature kurina wapis ahia olob din piche dey. “Training dey eku nahua tak toh, tai kali khilibo,” Tuchel kuishey reporters ke ekta press conference dey. “Tai khushi asey, muikhan khushi asey, aro alag manu khan bhi khushi huwo parey,” Tuchel kuishey ekta smile logotp. Neuer toh Bayern karney khilianai ekta tai laga purana club Schalke dey ekta jeet hua piche dey November 12 dey jaa saal, World Cup nahua agey dey.
Itu goalkeeper toh Qatar dey Germany laga captain nishina jaishey, huilewi itu four-para jitia khan toh group stage dey eliminate hui jaishey.
