October 28, 2023 : Itu Rising People’s Party (RPP) para Nagaland laga Hon’ble Chief Miniter ke petition dishey, illegal immigration laga regard tey, ILP laga enforcement toh strengthen kuriboley karney. RPP para likhishey ki, itu Jain, Bihari, Bengali, aru Muslim communities khan toh hoiley GB laga hisap laga title di kena asey Dimapur town tey. Itu “Gaon Bura” laga term non- Naga khan pai kena thaka, Dimapur municipal area tey toh hoiley unacceptable asey. Kiley koiley itu GBship laga title toh hoiley Naga laga custodian asey, Naga customary law khan laga aru tradition laga.
RPP para koishey ki, itu laga jaga tey, Marwari – Representative nahoiley Muslim Representative chulaboley dibi, Dimapur municipality khan tey. Aru koishey, itu manu khan kun represent kuri asey Jain, Bihari, Bengali, nahoiley itu Muslim community ke, tai khan toh indigenous manu hoboley lagey, maney tai khan nahoiley tai khan laga ancestor toh hoiley pre- 1963 inhabitant para thaka laga hoboley lagey. Nahoiley tai khan laga appointment toh illegal hobo aru tai laga service toh hoiley terminate hoboley pari asey, itu jana saath saath.
Add Comment